திருப்பதி தேவஸ்தானத்தில் பிளாஸ்டிக் கழிவு மறுசுழற்சி இயந்திரம்: ₹5 ஊக்கத்தொகை!

சுற்றுச்சூழல் பாதுகாப்பை உறுதி செய்யும் விதமாக, திருப்பதி ஏழுமலையான் கோயில் சமுதாயக் கூடத்தில் நிறுவப்பட்டுள்ள பிளாஸ்டிக் கழிவு மறுசுழற்சி இயந்திரமான `ரெக்லைம் ஏஸ்`-ஐ தேவஸ்தான கூடுதல் செயல் அலுவலர் வெங்கையா சவுத்ரி ஆய்வு செய்தார்.

இந்த இயந்திரம், பிளாஸ்டிக் கழிவுகளை முறையாகச் சேகரித்து மறுசுழற்சி செய்யும் வகையில் வடிவமைக்கப்பட்டுள்ளது. இந்த இயந்திரத்தில் பிளாஸ்டிக் கழிவுகளைச் செலுத்தும் பக்தர்கள், அதற்குக் கட்டணமாக, வழங்கப்படும் க்யூஆர் குறியீட்டை ஸ்கேன் செய்து ₹5 ஊக்கத்தொகையைப் பெறலாம்.

இந்தத் திட்டம் திருப்பதியை சுத்தமாக வைத்திருக்கவும், பிளாஸ்டிக் பயன்பாட்டைக் குறைக்கவும் ஒரு சிறந்த முயற்சியாகப் பார்க்கப்படுகிறது. தேவஸ்தானத்தின் இந்த முன்னெடுப்பு, பக்தர்களிடையே சுற்றுச்சூழலைப் பாதுகாக்கும் விழிப்புணர்வையும் ஏற்படுத்தியுள்ளது.