நகை பிரியர்களுக்கு ஹேப்பி நியூஸ்.. தங்கம் விலை கடும் சரிவு!

சர்வதேச சந்தை மாற்றங்களால் தமிழகத்தில் தங்கம் விலை தொடர்ந்து ஏற்ற இறக்கங்களைக் கண்டு வருகிறது. அந்த வகையில், இன்று காலை கடுமையாக உயர்ந்த தங்கம் விலை மாலையில் சற்று சரிவைச் சந்தித்துள்ளது.

கடந்த 8 ஆம் தேடி ஆபரணத் தங்கம் கிராமுக்கு ரூ.13,965-க்கும், சவரனுக்கு ரூ.1,11,720-க்கும் விற்பனையானது. வெள்ளி கிராம் ஒன்றுக்கு ரூ.250-க்கு விற்பனையானது.

தொடர்ந்து நேற்று, தங்கம் விலை சவரனுக்கு ரூ.120 குறைந்து ரூ.1,11,600-ஆகவும், கிராமுக்கு ரூ.15 குறைந்து ரூ.13,950-ஆகவும் விற்பனை செய்யப்பட்டது. அன்றைய தினம் வெள்ளி விலையில் மாற்றம் எதுவுமில்லை.

இதையடுத்து, இன்று காலையில் தங்கம் விலை சவரனுக்கு ரூ.2,400 வரை உயர்ந்து, ஒரு சவரன் ரூ.1,14,000-க்கும், கிராம் ரூ.14,250-க்கும் விற்பனையானது. ஆனால் மாலையில் சவரனுக்கு ரூ.800 வரை குறைந்ததால், ஒரு சவரன் ஆபரணத் தங்கம் ரூ.1,13,200-க்கும், ஒரு கிராம் ரூ.14,150-க்கும் விற்பனை செய்யப்படுகிறது.

வெள்ளியைப் பொறுத்தவரை, கிலோவுக்கு ரூ.10,000 உயர்ந்து ஒரு கிலோ ரூ.2,60,000-க்கும், ஒரு கிராம் ரூ.260-க்கும் விற்பனையாகி வருகிறது. மாலையில் வெள்ளி விலையில் எந்த மாற்றமும் ஏற்படவில்லை.