கடந்த சில நாட்களாக ஏற்ற இறக்கத்துடன் காணப்பட்ட தங்கம் விலை, இன்று கணிசமான சரிவைச் சந்தித்துள்ளது. இதன் காரணமாக, ஒரு சவரன் ஆபரணத் தங்கம் விலை ரூ.90 ஆயிரத்திற்கும் கீழ் குறைந்துள்ளது.

தொடர் ஏற்ற இறக்கம்

சமீபத்தில் உச்சத்தைத் தொட்ட தங்கம் விலை, பின்னர் மளமளவெனச் சரிந்தது. கடந்த ஒரு வாரமாகப் பெரிய அளவில் மாற்றம் இல்லாமல் ஏற்ற இறக்கத்துடனேயே காணப்பட்டு வந்தது. நேற்று முன்தினம் (நவம்பர் 3) ஒரு கிராம் ஆபரணத் தங்கம் ரூ.11,350-க்கும், ஒரு சவரன் ரூ.90,800-க்கும் விற்பனையானது.

நேற்று (நவம்பர் 4) தங்கம் விலை கிராமுக்கு ரூ.100-ம், சவரனுக்கு ரூ.800-ம் குறைந்து, ஒரு கிராம் ரூ.11,250-க்கும், ஒரு சவரன் ரூ.90,000-க்கும் விற்பனை செய்யப்பட்டது.

இன்றைய விலை நிலவரம்

இந்த நிலையில், சென்னையில் இன்று 22 கேரட் ஆபரணத் தங்கத்தின் விலை மீண்டும் குறைந்துள்ளது. தங்கம் கிராமுக்கு ரூ.70 குறைந்து, ஒரு கிராம் ரூ.11,180க்கு விற்பனையாகிறது. சவரனுக்கு ரூ.560 குறைந்து, ஒரு சவரன் ரூ.89,440க்கு விற்பனையாகிறது.

வெள்ளி விலை நிலவரம்

வெள்ளி விலையும் இன்றும் சரிந்துள்ளது. வெள்ளி கிராமுக்கு ரூ.2 குறைந்து, ஒரு கிராம் வெள்ளி ரூ.163க்கு விற்பனை செய்யப்படுகிறது. கிலோவுக்கு ரூ.2,000 குறைந்து, பார் வெள்ளி ஒரு கிலோ ரூ.1 லட்சத்து 63 ஆயிரத்துக்கு விற்பனை செய்யப்படுகிறது.