LIVE 24 X 7
திருவாரூர் மாவட்டம், கொரடாச்சேரி ஒன்றியத்திற்குட்பட்ட கண்கொடுத்தவனிதம் அரசு ஆரம்ப சுகாதார நிலையத்தில் தினந்தோறும் ஏற்படும் மின்வெட்டால், மருத்துவப் பணியாளர்கள் செல்போன் டார்ச் வெளிச்சத்தில் நோயாளிகளுக்குச் சிகிச்சை அளிக்கும் அவல நிலை ஏற்பட்டுள்ளது. இதனால், பொதுமக்கள் மற்றும் மருத்துவ ஊழியர்கள் பெரும் சிரமங்களைச் சந்தித்து வருகின்றனர்.
30 கிராம மக்களுக்கு ஒரே சுகாதார நிலையம்
கண்கொடுத்தவனிதம் ஆரம்ப சுகாதார நிலையம், இளங்கார்குடி, விடயபுரம், தக்களூர், நத்தம், ஆலவாய் உள்ளிட்ட 30-க்கும் மேற்பட்ட கிராமங்களுக்கு முக்கியமான மருத்துவ மையமாக விளங்குகிறது. இங்குத் தினமும் ஏராளமான பொதுமக்கள், கர்ப்பிணிகள் மற்றும் முதியோர்கள் சிகிச்சை பெற்று வருகின்றனர்.
வழக்கமான மின்வெட்டும், அதிகாரிகளின் அலட்சியமும்
கடந்த பல மாதங்களாக இப்பகுதியில் தினசரி பல மணி நேரம் மின்வெட்டு ஏற்படுவது வாடிக்கையாகிவிட்டது. சில சமயங்களில் இது 10 மணி நேரத்திற்கும் மேலாக நீடிக்கிறது. சாதாரண மழைக்கோ அல்லது லேசான காற்றுக்கோ கூட உடனடியாக மின்சாரம் நிறுத்தப்படுகிறது. கடந்த ஆகஸ்ட் 10ஆம் தேதி, மாலை 4 மணிக்குத் தொடங்கிய மழை, 5 மணிக்கே நின்றபோதிலும், இரவு 9 மணிக்குப் பின்னரே மின்சாரம் மீண்டும் வழங்கப்பட்டது.
இந்த மின்வெட்டால், அவசர சிகிச்சை தேவைப்படும் நோயாளிகள் மிகுந்த சிரமத்திற்குள்ளாகின்றனர். இதுகுறித்து பலமுறை மின்வாரிய அதிகாரிகளிடம் புகார் அளித்தும், "விரைவில் மின்சாரம் வரும்" என்ற வழக்கமான பதிலைத் தவிர வேறு எந்த நடவடிக்கையும் எடுக்கப்படவில்லையென மருத்துவமனை ஊழியர்கள் வருத்தம் தெரிவிக்கின்றனர்.
அவசர சிகிச்சைக்காகச் செல்போன் டார்ச்
மின்தடை காரணமாக, மருத்துவமனைப் பணிகள் பாதிக்கப்படாமல் இருக்க, பணியாளர்கள் செல்போன் டார்ச் வெளிச்சத்திலேயே நோயாளிகளைப் பரிசோதித்தல், மருந்து வழங்குதல், மற்றும் அவசர சிகிச்சைக்காக வேறு மருத்துவமனைக்குப் பரிந்துரைத்தல் போன்ற பணிகளை மேற்கொண்டு வருகின்றனர்.
உடனடி நடவடிக்கை எடுக்கக் கோரிக்கை
30-க்கும் மேற்பட்ட கிராமங்களின் மருத்துவத் தேவைகளைப் பூர்த்தி செய்யும் இந்த ஆரம்ப சுகாதார நிலையத்தில் ஏற்படும் இந்த அவல நிலையைத் தமிழக அரசு உடனடியாகக் கவனத்தில் கொண்டு, நிரந்தரமாக மின்வெட்டை சரிசெய்ய நடவடிக்கை எடுக்க வேண்டும் எனப் பொதுமக்கள் கோரிக்கை விடுத்துள்ளனர். முதல்வரின் சொந்த மாவட்டத்திலேயே இத்தகைய நிலை இருப்பது வேதனைக்குரியது என்றும் அவர்கள் குறிப்பிட்டுள்ளனர்.
30 கிராம மக்களுக்கு ஒரே சுகாதார நிலையம்
கண்கொடுத்தவனிதம் ஆரம்ப சுகாதார நிலையம், இளங்கார்குடி, விடயபுரம், தக்களூர், நத்தம், ஆலவாய் உள்ளிட்ட 30-க்கும் மேற்பட்ட கிராமங்களுக்கு முக்கியமான மருத்துவ மையமாக விளங்குகிறது. இங்குத் தினமும் ஏராளமான பொதுமக்கள், கர்ப்பிணிகள் மற்றும் முதியோர்கள் சிகிச்சை பெற்று வருகின்றனர்.
வழக்கமான மின்வெட்டும், அதிகாரிகளின் அலட்சியமும்
கடந்த பல மாதங்களாக இப்பகுதியில் தினசரி பல மணி நேரம் மின்வெட்டு ஏற்படுவது வாடிக்கையாகிவிட்டது. சில சமயங்களில் இது 10 மணி நேரத்திற்கும் மேலாக நீடிக்கிறது. சாதாரண மழைக்கோ அல்லது லேசான காற்றுக்கோ கூட உடனடியாக மின்சாரம் நிறுத்தப்படுகிறது. கடந்த ஆகஸ்ட் 10ஆம் தேதி, மாலை 4 மணிக்குத் தொடங்கிய மழை, 5 மணிக்கே நின்றபோதிலும், இரவு 9 மணிக்குப் பின்னரே மின்சாரம் மீண்டும் வழங்கப்பட்டது.
இந்த மின்வெட்டால், அவசர சிகிச்சை தேவைப்படும் நோயாளிகள் மிகுந்த சிரமத்திற்குள்ளாகின்றனர். இதுகுறித்து பலமுறை மின்வாரிய அதிகாரிகளிடம் புகார் அளித்தும், "விரைவில் மின்சாரம் வரும்" என்ற வழக்கமான பதிலைத் தவிர வேறு எந்த நடவடிக்கையும் எடுக்கப்படவில்லையென மருத்துவமனை ஊழியர்கள் வருத்தம் தெரிவிக்கின்றனர்.
அவசர சிகிச்சைக்காகச் செல்போன் டார்ச்
மின்தடை காரணமாக, மருத்துவமனைப் பணிகள் பாதிக்கப்படாமல் இருக்க, பணியாளர்கள் செல்போன் டார்ச் வெளிச்சத்திலேயே நோயாளிகளைப் பரிசோதித்தல், மருந்து வழங்குதல், மற்றும் அவசர சிகிச்சைக்காக வேறு மருத்துவமனைக்குப் பரிந்துரைத்தல் போன்ற பணிகளை மேற்கொண்டு வருகின்றனர்.
உடனடி நடவடிக்கை எடுக்கக் கோரிக்கை
30-க்கும் மேற்பட்ட கிராமங்களின் மருத்துவத் தேவைகளைப் பூர்த்தி செய்யும் இந்த ஆரம்ப சுகாதார நிலையத்தில் ஏற்படும் இந்த அவல நிலையைத் தமிழக அரசு உடனடியாகக் கவனத்தில் கொண்டு, நிரந்தரமாக மின்வெட்டை சரிசெய்ய நடவடிக்கை எடுக்க வேண்டும் எனப் பொதுமக்கள் கோரிக்கை விடுத்துள்ளனர். முதல்வரின் சொந்த மாவட்டத்திலேயே இத்தகைய நிலை இருப்பது வேதனைக்குரியது என்றும் அவர்கள் குறிப்பிட்டுள்ளனர்.
