இந்தியா தொடர் தோல்வி எதிரொலி! கம்பீர், அகர்கர், லக்ஷ்மணுக்கு பிசிசிஐ சம்மன்!

இந்திய டி20 அணியின் சமீபத்திய வெளிநாட்டு சுற்றுப்பயணம் எதிர்பார்த்த முடிவை தரவில்லை. அயர்லாந்து மற்றும் இங்கிலாந்து அணிகளுக்கு எதிரான தொடர்களில் இந்திய அணி தொடர்ந்து தோல்விகளை சந்தித்தது.

முதலில் அயர்லாந்துக்கு எதிராக நடைபெற்ற 2 போட்டிகள் கொண்ட டி20 தொடரில் இந்திய அணி 0-2 என்ற கணக்கில் தொடரை இழந்தது. இதனைத் தொடர்ந்து இங்கிலாந்து அணிக்கு எதிரான 5 போட்டிகள் கொண்ட டி20 தொடரிலும் இந்திய அணியின் செயல்பாடு கடும் விமர்சனத்திற்கு உள்ளானது. அந்த தொடரில் இந்தியா 0-4 என்ற கணக்கில் தோல்வியை சந்தித்தது.

அணியின் செயல்பாடு குறித்து பிசிசிஐ ஆய்வு :

வெளிநாட்டு மைதானங்களில் இந்திய அணியின் தொடர்ச்சியான தோல்வி குறித்து இந்திய கிரிக்கெட் கட்டுப்பாட்டு வாரியம் (பிசிசிஐ) தீவிரமாக ஆய்வு செய்ய முடிவு செய்துள்ளது.

குறிப்பாக வீரர்களின் காயம், அணித் தேர்வு, போட்டி திட்டமிடல் மற்றும் வெளிநாட்டு தொடர்களில் அணியின் அணுகுமுறை குறித்து விரிவான ஆலோசனை நடத்தப்பட உள்ளது.

இதற்காக இந்திய அணியின் தலைமை பயிற்சியாளர் கவுதம் கம்பீர், இந்திய தேர்வுக்குழு தலைவர் அஜித் அகர்கர் மற்றும் பெங்களூருவில் உள்ள கிரிக்கெட் சென்டர் ஆஃப் எக்ஸலன்ஸ் (COE) தலைவர் லக்ஷ்மண் ஆகியோருக்கு பிசிசிஐ அழைப்பு விடுத்துள்ளது.

மும்பையில் முக்கிய ஆலோசனை கூட்டம் :

பிசிசிஐ தலைமையகமான மும்பையில் நடைபெற உள்ள இந்த ஆலோசனை கூட்டத்தில் இந்திய அணியின் தற்போதைய நிலை மற்றும் எதிர்கால திட்டங்கள் குறித்து விவாதிக்கப்பட உள்ளது.

அடுத்தடுத்த முக்கிய தொடர்களை கருத்தில் கொண்டு அணியின் பலம், பலவீனம் மற்றும் வீரர்களின் செயல்பாடுகள் குறித்து இந்த கூட்டத்தில் ஆலோசிக்கப்படும் என எதிர்பார்க்கப்படுகிறது.

தோல்விக்கான காரணங்களை ஆராயும் பிசிசிஐ :

அயர்லாந்து மற்றும் இங்கிலாந்து தொடர்களில் இந்திய அணியின் தோல்வி குறித்து ஆய்வு செய்யப்படும் என்று பிசிசிஐ செயலாளர் தேவஜித் சைகியா ஏற்கனவே தெரிவித்திருந்தார்.

அதன்படி, அணியின் செயல்பாட்டில் ஏற்பட்ட பின்னடைவு, வீரர்கள் தேர்வு மற்றும் களத்தில் எடுக்கப்பட்ட முடிவுகள் தொடர்பாக முக்கிய முடிவுகள் எடுக்கப்படலாம் என கூறப்படுகிறது.

16 தொடர் வெற்றிக்கு பிறகு ஏற்பட்ட பின்னடைவு :

இந்திய டி20 அணி தொடர்ந்து 16 தொடர்களில் தோல்வியை சந்திக்காமல் சிறப்பான சாதனை படைத்திருந்தது.

ஆனால், ஷ்ரேயாஸ் தலைமையில் களமிறங்கிய இந்திய டி20 அணி, அயர்லாந்து மற்றும் இங்கிலாந்து சுற்றுப்பயணங்களில் தொடரை இழந்து பின்னடைவை சந்தித்துள்ளது.

இந்த தோல்விகளுக்குப் பிறகு இந்திய அணியின் எதிர்கால பயணம் குறித்து பிசிசிஐ மேற்கொள்ளும் ஆலோசனை முக்கியத்துவம் வாய்ந்ததாக பார்க்கப்படுகிறது.