தங்கத்தின் விலை தொடர்ந்து ஏற்ற இறக்கத்துடன் காணப்பட்டாலும், கடந்த சில நாட்களாக மீண்டும் உச்சத்தை நோக்கிப் பயணித்து வருகிறது. இந்த நிலையில், இன்று (டிசம்பர் 1) தங்கம் விலை அதிரடியாக உயர்ந்து, சவரன் ரூ.96,560-க்கு விற்பனையாகிறது.
தொடரும் விலை ஏற்ற இறக்கமும்
கடந்த அக்டோபர் மாதம் 17-ம் தேதி ஒரு சவரன் தங்கம் ரூ.97,600 என்ற உச்சத்தை எட்டிய நிலையில், அதே மாதம் 28-ம் தேதி ரூ.88,600 என்ற நிலைக்கு விலை சரிந்தது. கடந்த சில நாட்களாக தங்கம் விலை மீண்டும் உச்சத்தை நோக்கிப் பயணித்து வருகிறது. நேற்று முன்தினம் (நவம்பர் 29) தங்கம் விலை கிராமுக்கு ரூ.140-ம், சவரனுக்கு ரூ.1,120-ம் அதிகரித்து, ஒரு சவரன் ரூ.95,840-க்கு விற்பனை செய்யப்பட்டது.
தங்கம் மற்றும் வெள்ளியின் இன்றைய விலை நிலவரம்
இந்த நிலையில், இன்று (டிசம்பர் 1) சென்னையில் 22 கேரட் ஆபரணத் தங்கத்தின் விலை அதிரடியாக மேலும் உயர்ந்துள்ளது. சவரனுக்கு ரூ.720 அதிகரித்து, ஒரு சவரன் ரூ.96,560-க்கு விற்பனை செய்யப்படுகிறது. கிராமுக்கு ரூ.90 அதிகரித்து, ஒரு கிராம் ரூ.12,070-க்கு விற்பனை செய்யப்படுகிறது. வெள்ளி விலையும் கிராமுக்கு ரூ.4-ம், கிலோவுக்கு ரூ.4 ஆயிரமும் அதிகரித்து, ஒரு கிராம் ரூ.196-க்கும், ஒரு கிலோ ரூ.1,96,000-க்கும் விற்பனை செய்யப்பட்டு வருகிறது.