சென்னையில் இரண்டு நாட்கள் தொடர்ந்து சரிவைச் சந்தித்த தங்கம் விலை, இன்று (டிசம்பர் 6) சவரனுக்கு ரூ.320 அதிகரித்து மீண்டும் ஏற்றம் கண்டுள்ளது. வெள்ளி விலையும் உயர்ந்துள்ளதால் வாடிக்கையாளர்கள் அதிர்ச்சி அடைந்துள்ளனர்.
இன்றைய தங்கம் விலை நிலவரம்
இன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.320 உயர்ந்து, ஒரு சவரன் ரூ.96,320-க்கு விற்பனை செய்யப்படுகிறது. கிராமுக்கு ரூ.40 அதிகரித்து, ஒரு கிராம் தங்கம் ரூ.12,040-க்கு விற்பனை செய்யப்படுகிறது.
தங்கம் விலையின் ஏற்ற இறக்கம்
கடந்த அக்டோபர் மாதம் 17-ந்தேதி ஒரு சவரன் ரூ.97,600 என்ற உச்சத்தை எட்டிய தங்கம் விலை, அதே மாதம் 28-ந்தேதி ரூ.88,600 என்ற நிலைக்கு வந்து சேர்ந்தது. அதன் பிறகு தங்கம் விலை தொடர்ந்து ஏற்ற இறக்கத்துடனேயே போக்கு காட்டி வருகிறது. நேற்று (டிசம்பர் 5) தங்கம் விலை கிராமுக்கு ரூ.20-ம், சவரனுக்கு ரூ.160-ம் குறைந்து, ஒரு கிராம் தங்கம் ரூ.12,000-க்கும், சவரன் ரூ.96,000-க்கும் விற்பனை செய்யப்பட்டது குறிப்பிடத்தக்கது.
வெள்ளி விலையும் அதிகரிப்பு
தங்கத்தின் விலை உயர்வோடு, வெள்ளி விலையும் கணிசமாக அதிகரித்துள்ளது. வெள்ளி விலை கிராமுக்கு ரூ.3-ம், கிலோவுக்கு ரூ.3 ஆயிரமும் அதிகரித்து, ஒரு கிராம் ரூ.199-க்கும், ஒரு கிலோ ரூ.1 லட்சத்து 99 ஆயிரத்துக்கும் விற்பனை செய்யப்பட்டு வருகிறது.