கடந்த மாத இறுதியில் சரிவைக் கண்டு வந்த தங்கத்தின் விலை, தற்போது மீண்டும் உயர்ந்து வருகிறது. தங்கம் விலை நேற்று ஒரே நாளில் இருமுறை விலை மாற்றம் கண்ட நிலையில், இன்று (ஜூலை 2) சென்னையில் ஆபரணத் தங்கம் மற்றும் வெள்ளியின் விலை அதிரடியாக உயர்ந்துள்ளது நகைப் பிரியர்களிடையே அதிர்ச்சியை ஏற்படுத்தியுள்ளது.
தங்கத்தின் விலையில் கடந்த சில நாட்களாகவே பெரும் தத்தளிப்பு நீடித்து வருகிறது. நேற்று முன்தினம் காலையில் சவரனுக்கு ரூ.2,160 குறைந்து, மாலையில் ரூ.1,360 உயர்ந்தது. அதனைத் தொடர்ந்து நேற்றும் 2-வது நாளாக ஒரே நாளில் இருமுறை விலை மாறியது. நேற்று காலையில் சவரனுக்கு ரூ.800 குறைந்திருந்த தங்கம், மாலை நேரத்தில் சட்டென ரூ.1,200 உயர்ந்தது. இதன் காரணமாக, நேற்று மாலை முடிவில் ஒரு கிராம் தங்கம் ரூ.13,250-க்கும், ஒரு சவரன் ரூ.1,06,000-க்கும் விற்பனை செய்யப்பட்டது.
அடுத்தடுத்த விலை உயர்வின் தொடர்ச்சியாக, சென்னையில் இன்று ஆபரணத் தங்கத்தின் விலை சவரனுக்கு மேலும் ரூ.1,200 அதிரடியாக அதிகரித்துள்ளது. இதன் மூலம், இன்று சென்னையில் 22 கேரட் ஆபரணத் தங்கத்தின் விலை ஒரு சவரன் ரூ.1,07,200 என்ற புதிய உச்சத்தைத் தொட்டுள்ளது. அதேபோல், கிராமுக்கு ரூ.150 உயர்ந்து, ஒரு கிராம் தங்கம் ரூ.13,400-க்கு விற்பனை செய்யப்படுகிறது.
காலை நேரத்தில் சவரனுக்கு ரூ.1,200 உயர்ந்திருந்த நிலையில், மாலை நேரத்தில் மேலும் ரூ.1,200 அதிகரித்துள்ளது. இதன் காரணமாக ஆபரணத் தங்கத்தின் விலை ஒரு சவரனுக்கு மொத்தமாக ரூ.2,400 உயர்ந்து ரூ.1,08,400 ஆக விற்பனை செய்யப்படுகிறது. அதேபோல், ஒரு கிராம் தங்கம் ரூ.13,550 என்ற விலையில் விற்பனையாகி வருகிறது.
ஒரே நாளில் தங்கம் விலை கணிசமாக உயர்ந்திருப்பது நகை வாங்க திட்டமிட்டுள்ள பொதுமக்களிடையே அதிர்ச்சியை ஏற்படுத்தியுள்ளது.