மலைகளின் அரசி என்று அழைக்கப்படும் நீலகிரி மாவட்டத்தில் சுற்றுலா பயணிகளின் எண்ணிக்கை நாளுக்கு நாள் அதிகரித்து வருகிறது. உலக சுற்றுலா வரைபடத்தில் இடம்பெற்றுள்ள இம்மாவட்டத்திற்கு நாள்தோறும் ஆயிரக்கணக்கான சுற்றுலா பயணிகள் வரும் நிலையில், இ-பாஸ் நடைமுறை நாளை முதல் அமலுக்கு வருகிறது.
இந்நிலையில் ஒரு சில நாட்களில் கோடை சீசன் துவங்க உள்ள நிலையில் சுற்றுலா பயணிகள் நீலகிரி மாவட்டத்திற்கு வருகை புரிய இ-பாஸ் நடைமுறையை கடைப்பிடிக்க வேண்டும் என சென்னை உயர்நீதிமன்றம் அறிவித்துள்ளது. அதன்படி நாள்தோறும் 6 ஆயிரம் வாகனங்களும், வார இறுதி நாட்களில் 8 ஆயிரம் வாகனங்கள் வர மட்டுமே அனுமதி வழங்கி சென்னை உயர்நீதிமன்றம் உத்தரவிட்டுள்ளது.
இந்நிலையில் நீலகிரி மாவட்டம் சுற்றுலா மற்றும் விவசாய தொழிலையே பொருளாதரமாக இருந்து வருகிறது. இந்நிலையில் நீலகிரி மாவட்டத்திற்கு வரும் சுற்றுலா பயணிகளுக்கு இ-பாஸ் நடைமுறையால் சுற்றுலா தொழிலை நம்பி உள்ள ஆயிரக்கணக்கான மக்களின் வாழ்வாதாரம் பாதிக்கப்படும் சூழ்நிலை ஏற்பட்டுள்ளது.
மேலும் நீலகிரி மாவட்ட பதிவு எண் கொண்ட வாகனங்கள், மருத்துவம் மற்றும் அவசரப் பணிகள் ,சரக்கு வாகனங்கள் அரசு பேருந்துகள் போன்ற வாகனங்களுக்கு இ பாஸ் தேவை இல்லை என தெரிவிக்கப்பட்டுள்ளது