காதலனின் காரை முத்த மழையால் நனைத்த காதலி.. போலீஸ் எடுத்த ஆக்ஷன்!

சமூக வலைதளங்களில் ட்ரெண்டாக வேண்டும் என்பதற்காகச் செய்யப்பட்ட விசித்திரமான செயல் ஒன்று, கார் உரிமையாளருக்கு அபராதத்தில் முடிந்துள்ளது. மத்தியப் பிரதேச மாநிலம் குவாலியரில், காதலன் ஒருவரின் காரை அவரது காதலி ஆயிரக்கணக்கான உதட்டுச்சாயம் (Lipstick) முத்த முத்திரைகளால் நிரப்பிய சம்பவம் பரபரப்பை ஏற்படுத்தியுள்ளது.

குவாலியரைச் சேர்ந்த ஆதித்யா சிகார்வார் என்பவரின் காரை, அவரது காதலி சுமார் 4 மணி நேரம் செலவிட்டு, சுமார் 3,400 உதட்டுச்சாய முத்த முத்திரைகளால் அலங்கரித்துள்ளார். காரின் கதவுகள், முன்பகுதி, பின்பகுதி மற்றும் தூண்கள் என அனைத்து இடங்களிலும் இந்த முத்திரைகள் இடப்பட்டு, அந்த காரே ஒரு விசித்திரமான ஓவியம் போல மாற்றப்பட்டது.

இந்தக் காரின் புகைப்படங்கள் சமூக வலைதளங்களில் வேகமாகப் பரவிய நிலையில், போக்குவரத்து காவல்துறையினரின் கவனத்திற்கும் சென்றது. காரின் பதிவு எண்ணைக் கொண்டு தடிபூர் பகுதியில் காரைக் கண்டறிந்த போலீசார், அதன் உரிமையாளரை விசாரணைக்கு அழைத்தனர்.

காரின் வெளிப்புறத்தில் இத்தகைய பெரிய அளவிலான மாற்றங்களைச் செய்வது மோட்டார் வாகனச் சட்டங்கள் மற்றும் சாலைப் பாதுகாப்பு விதிகளுக்கு எதிரானது என்று காவல்துறை தரப்பில் தெரிவிக்கப்பட்டது. இதனைத் தொடர்ந்து, எஸ்பி தரம்வீர் யாதவ் உத்தரவின் பேரில் கார் உரிமையாளருக்கு ரூ.5,500 அபராதம் விதிக்கப்பட்டதுடன், காரில் இருந்த முத்த முத்திரைகள் அனைத்தும் கழுவி அகற்றப்பட்டன.

சமூக வலைதளங்களில் கவனத்தைப் பெறுவதற்காகச் செய்யப்படும் இதுபோன்ற ஆபத்தான மற்றும் விசித்திரமான செயல்கள், போக்குவரத்து விதிகளை மீறும் பட்சத்தில் சட்டரீதியான நடவடிக்கைகளுக்கு வழிவகுக்கும் என்பதற்கு இந்தச் சம்பவம் ஒரு எச்சரிக்கையாக அமைந்துள்ளது.

Going viral on social media can make people do some really bizarre things. 😳

A strange incident from Gwalior, Madhya Pradesh, has reportedly gone viral, where a young man allegedly had his girlfriend kiss him thousands of times on his vehicle just to create viral content.… pic.twitter.com/hm5EFdchG6
— Neha🦋🦋 (@Nehasingh_11) August 25, 2026