புதுச்சேரி விமான நிலையத்தில் ஏ-320 ரக விமானங்களை இயக்குவதற்கு ஏற்ற வகையில், 2300 மீட்டர் நீளமும் 45 மீட்டர் அகலமும் கொண்ட விமான ஓடுபாதை அமைப்பதற்கான ஒரு மாஸ்டர் பிளான் (Master Plan) இந்திய விமான நிலைய ஆணையத்தால் திட்டமிடப்படும் என்று மத்திய அமைச்சர் ராம் மோகன் நாயுடு பதிலளித்துள்ளார்.
இந்திய விமான நிலைய ஆணையம் (Airports Authority of India - AAI) புதுச்சேரி விமான நிலையத்திற்கான ஒரு புதிய மாஸ்டர் பிளானை (Master Plan) தயாரித்து வருகிறது. அந்த திட்டத்தின் கீழ், தற்போதுள்ள ஓடுபாதையின் நீளத்தை 2300 மீட்டர் ஆகவும், அகலத்தை 45 மீட்டர் ஆகவும் விரிவுபடுத்த திட்டமிடப்பட்டுள்ளது.
இந்த நீள, அகலம் கொண்ட ஓடுபாதை அமைக்கப்பட்டால், ஏ-320 போன்ற மெடியம் ரேஞ்ச் (medium-range) ஜெட்டுகள் புதுச்சேரியில் இருந்து இயக்கப்பட முடியும். இதனால், மும்பை, டெல்லி, சென்னை, பங்களூரு போன்ற முக்கிய நகரங்களுக்கு நேரடி விமான சேவைகள் தொடங்கும் வாய்ப்பு உருவாகும். இந்த புது ஓடுபாதை, எயர்பஸ்ஸ் ஏ-320 போன்ற பெரிய அளவிலான ஜெட் விமானங்களை இயக்குவதற்கான தொழில்நுட்ப தேவைகளை பூர்த்தி செய்யும் வகையில் இருக்கும் என்று கூறப்படுகிறது.
அத்துடன், இந்த விரிவாக்கம் சுற்றுலா மற்றும் வணிக வளர்ச்சிக்கும் வழிவகுக்கும் என்று எதிர்பார்க்கப்படுகிறது. புதுச்சேரியின் சுற்றுலா மற்றும் பொருளாதார வளர்ச்சிக்காக மிக முக்கியமான முன்னேற்றமாகக் கருதப்படுகிறது. குறிப்பாக, புதுச்சேரி போன்ற சுற்றுலாத் தலத்திற்கு அதிகமான பயணிகள் வருகையை இத்திட்டம் ஊக்குவிக்கும் என விமானயானத்துறை நிபுணர்கள் கூறுகின்றனர்.
இந்த முயற்சியை நடைமுறைப்படுத்த, இந்திய விமான நிலைய ஆணையம் (AAI) தற்போது மாஸ்டர் பிளான் ஒன்றை தயாரித்து வருகிறது. திட்டம் நிறைவேறினால், புதுச்சேரியிலிருந்து முக்கிய நகரங்களான மும்பை, டெல்லி, ஹைதராபாத், பெங்களூரு மற்றும் சென்னைக்கு நேரடி விமான சேவைகள் விரைவில் தொடங்கும் என்று கூறப்பட்டுள்ளது.
தற்போது, புதுச்சேரி விமான நிலையத்தில் மிகப்பெரிய விமானங்களை இயக்க முடியாத நிலை உள்ளது. குறைந்த நீளமுள்ள ஓடுபாதையே இதற்கான முக்கிய தடையாக உள்ளது. விரிவாக்கத்திற்குப் பின், விமான போக்குவரத்து வசதிகள் பெரிதும் மேம்படும் என எதிர்பார்க்கப்படுகிறது.