பயண நேரமும் கட்டமைப்பு சிறப்புகளும்
இந்தப் பாலம் திறக்கப்பட்டதன் மூலம், முன்னர் இரண்டு மணி நேரம் எடுத்த கடினமான பயணம் இப்போது வெறும் இரண்டு நிமிடங்களாகக் குறைக்கப்பட்டுள்ளது. செப்டம்பர் 28 அன்று இதன் திறப்பு விழா கொண்டாடப்பட்டது. அப்போது, மேகங்களால் மூடப்பட்டிருந்த நீல நிறத் தாங்கிக் கோபுரங்களுடன் கூடிய இந்த பிரமாண்டப் பாலத்தின் மீது வாகனங்கள் கடந்து சென்ற நேரடி ட்ரோன் காட்சிகள் ஒளிபரப்பப்பட்டன.
From 2 hours to 2 minutes
— Good View Hunting (@SceneryCHN) September 28, 2025
China's Huajiang Grand Canyon Bridge🌉—1,420m span, 625m high—has opened to traffic, setting new world records in engineering.#Guizhou #EngineeringMarvel pic.twitter.com/bWzsQyF0fp
இந்தப் பாலம் தற்போது இரண்டு மதிப்புமிக்க உலக சாதனைகளைப் பிடித்துள்ளது:
1)உலகின் மிக உயரமான பாலம்
2) மலைப் பகுதியில் கட்டப்பட்ட மிகப்பெரிய நீளத்தைக் கொண்ட பாலம்
மொத்தம் 2,900 மீட்டர் நீளமும், பிரதான நீளம் 1,420 மீட்டரும் கொண்ட இந்தப் பாலத்தைக் கட்டுவதில் கான்கிரீட் வெப்பநிலை மேலாண்மை, செங்குத்தான சரிவுகளை நிலைப்படுத்துதல் மற்றும் வலுவான காற்றின் தாக்கம் போன்ற பல சவால்களைச் சந்தித்ததாகப் திட்ட மேலாளர் வு ஜாவோமிங் தெரிவித்தார். இருப்பினும், திட்டக் குழுவினர் குறித்த காலக்கெடுவுக்கு முன்னதாகவே பணி முடிக்கப்பட்டதாக கூறப்படுகிறது.
பாதுகாப்பு மற்றும் சுற்றுலா அம்சங்கள்
பொதுப் பயன்பாட்டிற்கு வருவதற்கு முன், கடந்த மாதம் இந்தப் பாலத்தில் கடுமையான சோதனை மேற்கொள்ளப்பட்டது. அப்போது 96 லாரிகளை நிறுத்தி, 400-க்கும் மேற்பட்ட உணர் கருவிகள் (sensors) மூலம் பாலத்தின் கட்டமைப்பு உறுதிப்படுத்தப்பட்டது.
இந்தப் பாலம் ஒரு போக்குவரத்து மையமாக மட்டுமல்லாமல், ஒரு சுற்றுலாத் தலமாகவும் மாறியுள்ளது. இதில் 207 மீட்டர் உயரமுள்ள சுற்றுலா லிஃப்ட், ஸ்கை கஃபேக்கள் மற்றும் பள்ளத்தாக்கின் காட்சிகளை வழங்கும் பார்வைத் தளங்கள் (View point) ஆகியவை சுற்றுலாப் பயணிகளைக் கவரும் சிறப்பம்சங்களாகும்.
உலகப் பாலத் தரவரிசையில் சீனா ஆதிக்கம் செலுத்துகிறது. உலகின் முதல் பத்து உயரமான பாலங்களில் எட்டு பாலங்கள் ஏற்கனவே சீனாவில், அதுவும் அனைத்தும் குயிஜோ மாகாணத்தில், பயன்பாட்டில் உள்ளன என்பது குறிப்பிடத்தக்கது.